Ташкент, 11.10.18. /Кабар/. Ташкентте жыл сайын өтүүчү сегизинчи Борбор Азиялык соода форуму өтөт. Бул тууралуу бүгүн Өзбекстандын соода министрлигинин басма сөз кызматынан билдиришти.
Аталган форум жыл сайын Борбордук Азиядагы өлкөлөрдүн бизнес-чөйрөлөрүнүн өкүлдөрүнүн, эл аралык уюмдардын, көрүнүктүү саясий жана коомдук ишмерлердин катышуусунда өтөт. Быйыл форумга миңден ашуун делегаттын катышуусу күтүлүүдө. Анын ичинде Кыргызстан дагы бар.
Аталган форум бизнес-коомчулукка калкынын саны 70 миллиондон ашкан Борбордук Азиянын өнүгүп жаткан рынокторундагы жаңы мүмкүнчүлүктөр менен таанышууга шарт түзөт.
Форумдун быйылкы темасы - “Соода жана инвестицияларды өнүктүрүүдө жаңы горизонттор”.
Пикир
Оставить комментарий