• 84.79
  • 95.75
  • 1.15

“Кыргызстан улуттук электр тармагынын” энергетиктери суу ташкындоо мезгилиндеги иштерге киришти

Коом 0

Бишкек, 12.03.21. /Кабар/. Жаздын келиши менен “Кыргызстан улуттук электр тармагы” ААКтын энергетиктери суу ташкындоо мезгилиндеги иштерге киришти. Бул тууралуу ведомствонун басма сөз кызматы билдирет.

Маалыматка ылайык, учурда суу ташкындарына каршы иш-чаралардын планы иштелип чыгып, анын алкагында төмөнкү иштер жүргүзүлөт:

Көмөк чордондордо:
- көмөк чордондордун айланасына суу бургуч каналдарды куруу;
- суу бургуч жана сел бургуч каналдарды тазалоо;
- ачык бөлүштүрүүчү түзүлмөлөрдүн кабелдик каналдарын тазалоо;
- суу бургуч түтүктөрдү жана ноолорду тазалоо;
- жерди кол менен же механикалык каражаттар менен казуу.

Электр берүү чубалгыларында:
- суу ташкындарына каршы текшерүү;
- тирөөчтөрдү коргоо жана тосмолоо;
- дарыялардын нугун буруу;
- тирөөчтөрдү түздөө жана банкеттөө.

Жогоруда көрсөтүлгөн иш-чаралардын ишке ашырылышы көмөк чордондордун жана электр берүү чубалгыларынын ишенимдүү иштешин, коопсуз пайдаланылышын камсыз кылат. Жумуштар март айында башталып, июль айына чейин уланат.

“Кыргызстан улуттук электр тармагы” ААКдагы суу ташкындарына каршы даярдыктар өзгөчө кырдаалдар жана өрт коопсуздугу, жергиликтүү бийлик өкүлдөрү менен биргеликте жүргүзүлмөкчү.

Пикир

Оставить комментарий