Бишкек, 08.12.20. /Кабар/. Кыргызстанда 14 вирусологиялык лаборатория иштеп жатат, - деп билдирди онлайн брифингдин жүрүшүндө Коомдук саламаттык сактоо башкармалыгынын башчысы Айнура Акматова.
Анын маалыматына караганда, учурда иштеп жаткан лабораторияларда 19 ПЦР-аппараты бар.
"Андан сырткары, төрт жеке менчик лаборатория келишимдин негизинде COVID-19 аныктоо үчүн изилдөөлөрдү жүргүзүүгө көмөк көрсөтүшүүдө. (Бонецкий лабораториясы, "AQUA", "Гемодез", "Интермедикал")", - деп маалымдады Акматова.
Ал кошумчалагандай, өлкөдө азыркы күндө 2,5 айга жете турган ПЦР тест-системасынын запасы бар.
Пикир
Оставить комментарий