Бишкек, 23.03.22. /Кабар/. Кыргызстанда баалар кескин көтөрүлбөйт. Бул тууралуу Бишкектеги маалымат жыйынында КР экономика жана коммерция министринин орун басары Элдар Алишеров билдирди.
Анын айтымында, учурда азык-түлүк, күйүүчү-майлоочу майдын баалары өсүп жатат жана мындан ары дагы өсө бермекчи. Бирок министрдин орун басары кескин өзгөрүүнү четке какты.
“Кескин өзгөрүү стихиялуу болбойт, башкача айтканда, баалар 50%га кескин көтөрүлбөйт. Импорттук инфляция болбошу үчүн биз товарларды кыйла чектелген баада жеткирүү боюнча сүйлөшүүлөрдү жүргүзөбүз”, - деди ал.
Ал ошондой эле антпесе жөнгө салуу саясаты колдонулуп, алып-сатарлык менен активдүү күрөш жүргүзүлөрүн белгиледи.
“Мындай тажрыйба бизде бар, мындай абалдан 2020-жылы өткөнбүз. Бирок азырынча баалардын спекуляциялык өсүүсүн байкай элекпиз”, - деп кошумчалады Алишеров.
Пикир
Оставить комментарий