Бишкек, 11.04.22. /Кабар/. Кыргызстанда 5-11-апрель аралыгында коронавирустан адам өлүмүнүн учурлары катталган жок. Бул тууралуу Республикалык штабдан билдиришти.
Өткөн аптада, 28-марттан 4-апрелге чейин COVID-19 илдетинин кесепетинен адам өлүмүнө алып келген учур учур катталган.
Коронавирус пандемиясы башталгандан бери илдетти өлкөдө 200 миң 970 адам жугузуп, 2 миң 991 адам каза болгон.
“Туруктуу эпидемиологиялык кырдаалга карабастан Кыргызстан COVID-19ду жеңгенин айтууга эрте. Дүйнөдө пандемия бүтө элек, өлкөгө коронавирустун жаңы штаммдарын алып келүү коркунучу бар. Өзүңүздү жана жакындарыңызды коронавирус инфекциясынын оор кесепеттеринен сактап эмдөөдөн өтүңүздөр”, - деп айтылат маалыматта.
Пикир
Оставить комментарий