Бишкек, 18.10.22. /Адил Төлөгөнов - Кабар/. 2021-жылдын октябрынан баштап бүгүнкү күнгө чейин мектептердин саны өлкө боюнча 2 миң 296дан 2 миң 333кө жетти. Бул тууралуу “Кабар” агенттигиндеги маалымат жыйынында билим берүү жана илим министринин орун басары Надира Жусупбекова билдирди.
Анын айтымында, учурда мектептерде 1 млн 407 миң 447 окуучу билим алууда.
"Кыргызстанда кыргыз тилдүү 1 миң 399, орус тилдүү 247, өзбек тилдүү 28 жана тажик тилдүү 3 мектеп бар", - деди министрдин орун басары.
Жусупбекова кошумчалагандай, өлкөдө бала бакчанын саны 1 миң 648ден 1 миң 712ге өсүп, бакчаларда 199,8 миң бөбөк тарбияланууда.
Пикир
Оставить комментарий