Бишкек, 17.04.19. /Кабар/. Кыргызстанда гемофилия боюнча Координациялык комитет түзүлдү. Комитеттин узак мөөнөттөгү планына 2021-жылга чейин калкты фактор 1МЕ VII концентраты, фактор 0,3МЕ IX концентраты менен камсыз кылуу кирет.
Комитет 2020-жылга чейин Ош жана Ысык-Көлдө гемофилияны дарылоо боюнча аймактык борборлорду түзүү боюнча иш алып барат.
Мындан тышкары, кандын уюшу бузулган жарандарга жардам бере турган дарыларды (колдонуу мөөнөтү 6-12 ай) өлкөгө алып келүү тартибин жөнөкөйлөтүү.
Ошондой эле комитет тукум кууган коагулопатия диагнозу менен бейтаптар дары-дармектерди каттоосуз ал келүүгө уруксат берүү боюнча иш алып барат.
Андан тышкары ошол оорунун оор формаларын аныктоону жакшыртуу боюнча да иш жүрөт.
Комитеттин кыска мөөнөттөгү пландары:
- Ош жана Ысык-Көл облустарында гематолог жана үй-бүлөлүк дарыгерлер үчүн семинар өткөрүү;
- гемофилия менен ооруган бейтаптардан 8,9 фактор деңгээлин аныктоого түштүк аймактын лаборанттарын окутуу;
- Санкт-Петербург жана Москва шаарларындагы гемофилияны дарылоо борборлорунда аймактык гематологдорду окутуу.
Пикир
Оставить комментарий