• 89.47
  • 96.56
  • 0.97

Кыргызстанда коронавирус жуккандар менен байланышта болгондордун саны 8 миңден ашты

COVID - 19 0

Бишкек, 20.04.20. /Кабар/. Кыргызстанда коронавирус жуккандар менен байланышта болгон адамдардын саны 8 миң 116га жетти. Бул тууралуу өкмөт үйүндө өткөн брифингде саламаттык сактоо министринин орун басары Нурболот Үсөнбаев маалымдады.

Башкы санитардык врачтын айтуусуна караганда, анын ичинен жакын байланышта болгондордун саны 1 миң 872 адамды түзөт (1-категория). Ал эми башка байланышта болгон адамдардын саны 6 миң 244 (2-категория).

"Байланышта болгондордун бардыгы тыкыр медициналык көзөмөлдө болуп, бүгүнкү күндө байкоодо турууда", - деп кошумчалады ал.

Үсөнбаев кошумчалагандай, Кыргызстан боюнча обсервацияда 862 адам жатат.

Белгилей кетсек, 20-апрелге карата Кыргызстанда коронавирус жуккан жаңы 14 учур катталып, жалпы 568ге жетти. Алардын 140ы медициналык кызматкерлер. Ошондой эле 201 адам коронавирустан айыгып, ооруканадан чыгарылган. Жети адам каза болду.

Пикир

Оставить комментарий