Кыргызстанда Республикалык жаш театр ишмерлеринин форуму өтүүдө

Маданият 0

Бишкек, 29.11.20. /Кабар/. I Республикалык жаш театр ишмерлеринин “Жаратман — 2020″ форуму онлайн форматта өтүүдө. Бул тууралуу Маданият, маалымат жана туризм министрлигинин басма сөз кызматы билдирет.

Маалыматка ылайык,форум 2020 -жылдын 4-декабрына чейин уланат.

Онлайн форумду Маданият маалымат жана туризм министри Нуржигит Кадырбеков ачып, чыгармачыл чөйрөнүн өкүлдөрүнө ийгиликтерди каалады

Иш-чараны Маданият министрлиги, Кыргызстан театр ишмерлер союзу жана Т.Абдумомунов атындагы Кыргыз улуттук академиялык драма театры биргеликте өткөрүп жатат.

Бир аптага созулган форумдун максаты — жаш муундардын билимин тереңдетүү жана театр искусствосун өркүндөтүүгө багытталат. Форумдун жүрүшүндө республикадагы алдыңкы театр чеберлери билими, тажрыйбасы менен бөлүшөт.

Учурда форумдун жүрүшүндө республикалык, облустук жана райондук театрлардын актерлору катышууда.

Пикир

Оставить комментарий