• 81.21
  • 82.35
  • 1.32

Кыргызстанда соттордун айлыгы 160 миң сомго чейин көбөйдү. Жогорку сот бул маалыматты четке какты

664 кароо Коом 0

Бишкек, 31.01.22. /Кабар/. Кыргызстандын Финансы министрлиги ушул жылы судьялардын айлыгы орточо 81 миңден 160 миңге чейин көтөрүлгөнүн билдирди.

Ведомствонун маалыматына караганда, аскер кызматкерлериники орточо 21 миңден 28 миңге, медицина кызматкерлеринин айлыгы орточо 8 миңден 13 миңге чейин, маданият кызматкерлеринин айлыгы орточо 7,8 миңден 11,7 миңге көбөйгөн. Белгиленгендей, бул максатта кошумча 3,8 млрд сом бөлүнгөн.

Өз кезегинде Жогорку соттун басма сөз кызматы билдиргендей, 2021-жылдын 1-июлунан тарта эмгек акы көтөрүлгөндөн кийин судьялардын маянасы инстанцияларга жараша 46 миң сомдон 60 миң сомго чейин жетет. Эмгек акысына ар кандай сыйлыктардын түрлөрү белгиленет, мисалы, иш стажы, квалификациялык класс, белгилүү бир чектөөлөр болгон иштерди кароо жана башка. Ушул үстөктөрдүн баарын эске алганда, бир эле маяна эмес, судьялардын айлыгы Финансы министрлигинин маалыматында көрсөтүлгөн суммадан кыйла төмөн. Ошондуктан, министрликтин соттордун маянасы боюнча массалык маалымат каражаттарына тараган маалыматы туура эмес.

Бүгүнкү күндө бир айлык эмгек акы КР Финансы министрлиги тарабынан көрсөтүлгөн суммага жакындашпайт. Маалыматтарды ачык булактардан көрүүгө болот.

Ошону менен бирге Жогорку сот быйыл Финансы министрлиги чоң ийгиликтерге жетишип, айлык акынын көтөрүлүшү сот системасынын бардык кызматкерлерине таасирин тийгизет деген ишенимин билдирди.

Пикир

Оставить комментарий