Бишкек, 15.12.21. /Кабар/. Бир сутканын ичинде республиканын аймагында 5 өрт кырсыгы катталып, аларды өчүрүүгө 8 өрт өчүрүү бөлүмдөрү тартылган. Бул тууралуу ӨКМдин маалымат кызматы билдирет.
Алсак, Ош шаарынын Колхозная көчөсүндө шифер менен жабылган турак үйдүн 47 чарчы метр чатыры жана отундар күйгөн.
Чүй облусунун Сосновка айылында жалпы аянты 120 чарчы метр турак үй, Жайыл айылында турак үйдүн 30 чарчы метр шыбы күйгөн.
Ал эми Баткен облусунун Кызыл-Кыя шаарынын Совет көчөсүндөгү жайкы ашкананын шыбы, бир сыналгы жана төшөктөр өрттөнгөн.
Пикир
Оставить комментарий