Бишкек, 26.03.20. /Кабар/. Бүгүн өкмөтү үйүндөгү маалымат жыйында вице-премьер-министр өзгөчө абал киргизилген шаар жана райондордо кандай ишмердүүлүктөргө чектөөлөр болбой тургандыгын айтып берди.
Өзгөчө абал тартиби учурунда төмөндөгүдөй ишмердүүлүктөрдү жүргүзсө болот (өндүрүү, ташуу, сатуу):
- Азык-түлүк продукциясы, табигый бойдон, ошондой эле кайра иштетилген, таӊгакталган ж.б. абалда;
- Дары-дармек каражаттары жана тийиштүү буюм-тайымдар – беткаптар, халаттар ж.б;
- Күйүүчү-майлоочу материалдар жана баллондор;
- Турак жай-комуналдык чарба боюнча бардык кызматтардын түрлөрү;
- Жеке менчик күзөт мекемелери;
- Айрым бажы мекемелери;
- Коммуникация чөйрөлөрү – ТВ, радио, уюлдук тармак, интернет кызматтары, ошондой эле техникалык тейлөө;
- Бардык медициналык мекемелердин, коммерциялык банктардын ишмердүүлүгү;
Бирок микрокредиттик компаниялар жана акча алмаштыруу жайлары, камсыздандыруу компаниялар жана ломбарддар иштөө чектөө киргизилет.
Учурда өлкөдө коронавирус жуктургандардын саны 44кө жетет. Баткен облусу – 1 адам, Сузак району – 17 адам, Ала-Букада – 2, Ноокат району – 11, Кара-Сууда – 8, Ош шаарында – 1, Москва районунда – 1 жана Бишкек шаарында – 3 адам.
2020-жылдын 25-мартынан саат 08.00дөн баштап 15-апрелине саат 08.00гө чейин Бишкек, Ош, Жалал-Абад шаарында, Ноокат жана Кара-Суу, Сузак районунда өзгөчө абал киргизилди.
Мындан улам Бишкекте 20:00-07:00 сааттар арасы коменданттык саат деп белгиленип, ал убакта көчөдө жүрүүгө тыюу салынды. Ал эми саат 07:00дөн 20:00гө чейин жарандар сыртка үч себеп менен чыга алышат: дүкөндөн азык-түлүк, дарыканадан дары-дармек сатып алуу жана ооруканага баруу үчүн. Сыртка чыкканда жарандардын жанында өздүгүн тастыктоочу документи жана маршруттук кагазы болуш керек.
Пикир
Оставить комментарий