Бишкек, 21.03.18 /Кабар/. Кыргызстандык мигранттар 2017-жылы Россиядан мекенине 2,21 млрд доллар которушкан. Бул тууралуу РФ Борбордук банкынын сайтында жеке жактардын которуулары боюнча маалымдалат.
Бул көрсөткүчтөр 2016-жылга караганда 27%, 2013-жылга салыштырмалуу 5% көп.
Тажикстан жана Өзбекстан 2013-жылы катталган рекордду жаңырта алышкан жок.
Өзбекстанга бир жылда 3,9 млрд доллар которулган. Бул 2016-жылга караганда 42% көп жана 2013-жылдан 42% аз, деп жазат “Фергана”.
Тажикстанга 2,54 млрд которушкан – бул 2016-жылдагыдан 31%га, 2013-жылдагыдан 40%га көп.
“Парламентская газета” маалыматы боюнча Россиядан эмгек мигранттарынын акча которууларынын көлөмү 2014-жылдан экономикадагы кризистик көрүнүштөргө жана рублдин курсунун түшүүсүнө байланыштуу кыскарган.
КР Мамлекеттик миграция кызматынын маалыматы боюнча Россияда 640 миң кыргыз жараны иштеп жүрөт.
Пикир
Оставить комментарий