Бишкек, 30.11.17./Тумара Туратбекова – Кабар/. "Манас" Эл аралык аэропорту" ААК жүргүнчүлөрдүн пикиринде мыкты авиакомпанияны онлайн добуш берүү аркылуу аныктоону баштайт. Бул тууралуу аэропорттун басма сөз кызматы билдирди.
Аэропорттун каржы-экономикалык дирекциясынын директору Жаңыл Абикованын айтымында, мындай тажрыйба жарандык авиация тармагында, анын ичинде КМШ өлкөлөрүндө ийгиликтүү иштеп келет.
Авиакомпаниялар үч номинацияда сыйланат:
- Эң так авиакомпания
- Динамикалуу өнүгүүдөгү авиакомпания
- Мыкты авиакомпания - жүргүнчүлөрдүн тандоосу
Номинант катары КР аэропортторуна туруктуу жана чартердик каттам менен каттаган атамекендик, ошондой эле чет элдик ташуучу авиакомпаниялар боло алышат.
Добуш берүү 2017-жылдын 1нен 31-декабрга чейин өтүп, 2018-жылдын башында жыйынтыгы чыгат.
Мындай кампания жыл сайын өтүүсү күтүлүүдө.
Пикир
Оставить комментарий