Бишкек, 5-июнь /Кабар/. КР Улуттук илимдер академиясынын Сейсмология институтунун сеймологиялык станциясында 00:35 чамасында 3 баллга жеткен жер титирөө катталды. Бул тууралуу ӨКМ басма сөз кызматы билдирди.
Жер титирөөнүн очогу Тажикстандын аймагында Чоң-Алай районунун Кара-Тейит айылынан 23 км түштүк-чыгышка карай жайгашкан.
Чоң-Алай районунун Кара-Тейит, Карамык айылдарында силкинүүнүн күчү 2 баллга жетти. Кыйроолор жана курмандыктар жок.
Мындан тышкары, жергиликтүү убакыт боюнча, 00:45те кайрадан жер титирөө катталып, очогунда 3,5 баллга жетти.
Силкинүүнүн очогу Тажикстандын аймагында Кара-Тейит айылынан түштүк-батышка карай 24 км аралыкта жайгашкан. Кыйроолор жана курмандыктар жок.
Пикир
Оставить комментарий