Бишкек, 25.02.19. /Кабар/. Кыргызстандын коруктарына жапайы жандыктар кайта баштады. Бул тууралуу Айлана-чөйрөнү коргоо жана токой чарбасы мамлекеттик агенттигинен билдиришти.
Аталган мекеме билдиргендей, алар жапайы жаныбарларды коруктарда орнотулган фотокапкандар аркылуу байкоого алып турушат.
Маселен өткөн айда "Алатай" паркынын аймагында алты фотокапкан орнотулган.
"Алатай" паркынын аймагында камандардын саны өсүп жатканын белгилеп кетүү керек. Буга чейин бул аймакта жапайы каман байкалган эмес", - деп айтылат маалыматта.
Белгилей кетсек, бул жаратылыш паркында ак илбирс, сүлөөсүн, бүркүт, тянь-шань аюусу жана башка жандыктар бар.
Пикир
Оставить комментарий