Бишкек, 19.01.23. /Кабар/. Тышкы иштер министри Жээнбек Кулубаев “Кабар” агенттигинде өткөн басма сөз жыйынында Кытай – Кыргызстан - Өзбекстан темир жолун куруу долбоорун ишке ашыруу боюнча иштердин жүрүшү тууралуу айтып берди.
Анын айтымында, буга чейин Кыргызстанга Кытайдан 200 эксперт келген. “Бүгүнкү күндө долбоордун техникалык-экономикалык негиздемеси (ТЭО) боюнча иштер жүрүп жатат. Андан кийин долбоордун деталдуу иштери башталат”, - деди ал.
Белгилей кетсек, ШКУнун Самарканддагы саммитинде “Кытай - Кыргызстан - Өзбекстан” темир жолун куруу долбоору боюнча үч тараптуу өз ара түшүнүшүү жана кызматташуу жөнүндө меморандумга кол коюлган.
Пикир
Оставить комментарий