Бишкек, 18.12.19. /Кабар/. Кытайдын Сычуань провинциясында куткаруучулар жердин астында 80 сааттан ашык камалып, дайынсыз жоголгон 13 шахтёрду куткарышты. Бул тууралуу аталган провинциясынын бийлиги билдиргенин РИА Новости жазып чыкты.
Кырсык 14-декабрда жергиликтүү убакыт менен саат 15:00дө Ибинь аймагында болгон. Жер астындагы суунун жарылышынан шахтадагы 3 адам мерт кеткен. Дайынсыз жоголгон делип 15 шахтёр айтылган. Кийинчирээк куткаруучулар 2 адамдын сөөгүн таап алган.
Издөө жана куткаруу иш-аракеттери күнү-түнү жүргүзүлгөн.
Шаршемби күнү эртең менен гана дайынсыз жоголгон шахтёрлор тирүү табылган. Алардын баары куткарылып, ооруканага жаткырылган.
Пикир
Оставить комментарий