Ленин районунун 14 салык кызматкеринде коронавирус табылды

COVID - 19 0

Бишкек, 19.06.20. /Кабар/. 10 күндүн ичинде Мамлекеттик салык кызматынын Бишкек шаарынын Ленин району боюнча башкармалыгынын 14 кызматкеринде коронавирус аныкталды. Бул тууралуу аталган кызматтан билдиришти.

Маалыматка ылайык, 7 кызматкердин анализдери күмөндүү жыйынтык көрсөткөндүктөн, кайрадан тест алынган. Ошол эле учурда, коронавирус тастыкталган 5 кызматкер үйүндө иштеп жатканда илдетти жуктурган. Бир кызматкер иш өргүүсүндө илдетке кабылган.

"Бардык кызматкерлерден анализдер алынып, тиешелүү дезинфекциялык иштер жүргүзүлүүдө", - деп айтылат маалыматта.

Белгилей кетсек, салык кызматтары штаттык режимде иштөөдө. Коронавирустун алдын алуу боюнча санитардык-гигиеналык иш-чаралар күчөтүлгөн тартипте жүргүзүлүүдө. Тактап айтканда, кошумча санитайзерлер орнотулуп, административдик имараттардын кире беришинде жарандардын дене табы текшерилүүдө.

Салык кызматынын имаратына белгилүү аралыкты сактоо менен саналуу гана адамдар киргизилип жатат.

Пикир

Оставить комментарий