Бишкек, 21.08.19. /Кабар/. Өлкө аймагында бир күн ичинде 35 өрт кырсыгы катталган. Бул тууралуу Өзгөчө кырдаалдар министрлигинин басма сөз кызматы билдирди.
Министрликтен билдиришкендей, Жалал-Абад шаарындагы Бакиев жана Айтматов көчөлөрүнүн кесилишинде жайгашкан борбордук базарда түнкү саат 00:33тө өрт чыккан. Өрттүн айынан болжол менен 2 миң 500 чарчы метр аянттагы соода түйүндөрү жана күндөлүк турмуш-тиричиликке керектелүүчү товарлар күйүп кеткен. Курман болгондор жок.
Өрт саат 01:50дө чектөөгө алынып, 04:15те толук өчүрүлгөн.
Токмок шаарында бир мечит толугу менен күйүп кеткен (300 чарчы метр).
Ошондой эле Ош шаарынын Шота Руставели көчөсүндө жайгашкан наабайкана толугу менен күйүп кеткен (156 чарчы метр).
Пикир
Оставить комментарий