Бишкек, 12.12.18. /Салтанат Абдраева – Кабар/. “Манас” эл аралык аэропорту штаттык режимде иш алып барууда. Бул тууралуу аэропорттун басма сөз кызматынан кабарлашты.
Маалыматка ылайык, калың тумандын кесепетинен көрүү начар болгон себептен каттамдар кармалып, же токтотулган. Кечки саат 22:00дөр чамасында аба ырайы жакшырып, көрүү 550 метрди түзгөн.
Ош шаарынын запастык аэродромуна кондурулган Казань-Бишкек жана Москва-Бишкек каттамдары Бишкекке келген. Кечигүү менен Ош-Бишкек рейси да аткарылган. Саат түнкү 00:00гө бардык кармалган каттамдар: Грозный, Новосибирск жана Москва шаарларына аткарылган.
Учурда “Манас” аэропорту штаттык режимде ишин улантууда.
Эске салсак, кечээ, 11-декабрда, аэропорттун аймагында эртеден бери калың туман каптап, 4 учак Оштун жана Алматанын запастык аэродромдоруна кондурулган
Пикир
Оставить комментарий