Бишкек, 12.07.18. /Кабар/. Памирлик кыргыздар 9-июлда КРнын өкмөтүнүн алдындагы Мамлекеттик миграция кызматынын төрагасынын орун басары Самат Токтоболотовдун, Саламаттыкты сактоо министрлигинин, Өзгөчө кырдаалдар министрлигинин жана Чек ара кызматынын өкүлдөрүнүн коштоосунда тажик-афган чек арасынан "Ишкашим" көзөмөл-өткөрмө пункту аркылуу өтүштү.
Мамлекеттик миграция кызматынын басма сөз кызматынан билдиришкендей, памирлик кыргыздардын коопсуздугун сактоо максатында тажик-афган чек арасына чейин аларды ӨКМнын унаасында Саламаттыкты сактоо министрлигинин акушер-гинекологу жана Чек ара кызматынын улук офицери коштоп барышкан.
18 памирлик кыргыз чек арадан өтүшүп, Улуу жаан Кичүү Памирди көздөй жолун улашкан.
Пикир
Оставить комментарий