Бишкек, 21.05.20. /Адил Төлөгөнов – Кабар/. Россиянын Соль-Илецк шаарынан учуп келип, Жалал-Абад облусуна барган жарандар үй карантинине алынды. Бул тууралуу өкмөттүн Жалал-Абад облусундагы ыйгарым укуктуу өкүлү Нурболот Мирзахмедов брифингде билдирди.
Анын айтымында, Жалал-Абад облусуна 115 жаран келген.
"Саламаттык сактоо министрлигинин алгоритмине ылайык, кыргызстандыктар Бишкекке учуп келгенде 12 күн обсервацияга алынып, 2 жолу ПЧР тесттин тапшырган. Анализдери таза чыкканда гана аларды кое беришкен. Жалал-Абадга келген жарандар үй карантинине алынды. 30-майда кайрадан анализдер алынат. Эгер үй карантиндин талаптарын сактабаса аларга кылмыш иши козголот", - деп белгилеп өттү Мирзахмедов.
Эскерте кетсек, 7-майда Россиянын Оренбург облусунун Соль-Илецк шаарынан Бишкекке 541 кыргызстандык келген.
Белгилей кетсек, Кыргызстанда коронавирус жуктурган учурлардын саны 1313кө жетти. Алардын ичинен 270и медицина кызматкери. Илдеттен 929 жаран айыкса, коронавирус жуктурган 14 адам каза болду.
Пикир
Оставить комментарий