Модрич: Карим Бензема – легенда жана дүйнөдөгү мыкты чабуулчулардын бири

Бишкек, 14.11.19. /Кабар/. Мадриддик "Реал" клубунун жарым коргоочусу Лука Модрич чабуулчу Карим Бензема тууралуу өз оюн менен бөлүшкөнүн Чемпионат басылмасы жазып чыкты.

Модрич чабуулчу Бенземаны дүйнөдөгү алдыңкы оюнчулардын бири экенин айтат.

"Карим Реал Мадрид командасы үчүн маанилүү оюнчу. Менимче ал дүйнөдөгү мыкты чабуулчулардын бири жана мен үчүн легенда", - дейт хорватиялык оюнчу.

Франциялык оюнчу "Реал" клубуна 2009-жылы келген. Анын катарында Испаниянын кубогун жана суперкубогун, Чемпиондор лигасын төрт жолу жана Испания биринчилигин эки жолу жеңген.

Быйылкы сезондо Бензема 11 оюн өткөрүп, 9 гол киргизген.