Бишкек, 03.05.22. /Кабар/. Москва райондук милициясы мектеп окуучулары үчүн Ачык эшик күнүн уюштурду. Бул тууралуу Чүй облустук ички иштер башка башкармалыгынын басма сөз кызматы билдирет.
Маалыматка ылайык, иш-чарага Москва районунун ички иштер бөлүмүнүн жетекчилиги, өздүк курамы, билим берүү органдарынын өкүлдөрү, социалдык кызматкерлер жана ошондой эле Москва районунун мектептеринин окуучулары жана чакырылган коноктор катышты.
Иш-чаранын жүрүшүндө милиция кызматкерлери мектеп окуучулары үчүн ички иштер бөлүмүндө кызыктуу экскурсия уюштуруп, ишинин өзгөчөлүктөрү менен тааныштырды. Ошондой эле мектеп окуучуларына милиция колдонгон ок атуучу куралдардын үлгүлөрүн, алардан коргонуу каражаттарын көрсөтүп, бул куралдын мүмкүнчүлүктөрү жана тактикалык-техникалык мүнөздөмөлөрү тууралуу айтып берди. Балдар айрым кызматтардын ишинин өзгөчөлүктөрү менен таанышууга мүмкүнчүлүк алышты.
Ошондой эле балдарга «Мектеп окуучуларынын арасында массалык мушташуунун алдын алуу» деген темада видеоролик көрсөтүлдү.
Андан соң милиция кызматкерлери мектеп окуучулары менен агрессивдүү жүрүм-турумдун бир катар маселелерин, анын келип чыгуу себептери, аракеттери жана мыйзам чегинде анын кесепеттери кандай болорун талкуулашты.
Иш-чаранын аягында мугалимдер, мектеп окуучулары жана бул иш-чаранын башка катышуучулары Москва районунун ички иштер бөлүмүнө ыраазычылыктарын билдиришти.
Пикир
Оставить комментарий