Москвада 30 кыргызстандык эмне үчүн кармалды? Элчиликтин жообу

Бишкек,10.07.18. /Кабар/. Кыргызстандын Москвадагы элчилигинен 30 кыргызстандык эмне себептен кармалгандыгы тууралуу айтып беришти.

“Кабар” агенттигине КРнын РФдагы дипөкүлчүлүгүнөн билдиришкендей, кыргызстандыктар документтерди текшерүүгө байланыштуу кармалышкан.

“Учурда алар полицияда. Элчиликтин кызматкерлери ал жакта жүрүшөт”, - деп билдиришти элчиликтен.

Белгилей кетсек, ЖМКда Москвада эч кандай себепсиз эле 30 кыргызстандык кармалгандыгы тууралуу маалымат чыккан.