Бишкек, 13.08.20. /Кабар/. Муфтий Максатбек Токтомушевдин демилгеси менен Бишкек шаарынын таштанды полигонунда иштеген жарандарга ун таратылды. Бул тууралуу муфтияттын басма сөз кызматы билдирет.
Маалыматка ылайык, күн мурун, 12-августта муфтийдин демилгеси Бишкек шаарынын четинде таштанды полигонунда иштеген жарандарга кайрымдуулук иш-чарасы уюштурулду.
Иш-чарада Кыргызстан мусулмандарынын Дин башкармалыгынын эсепчиси Султан Момунов полигондо таштанды терип, күнүмдүк оокатын өткөрүп келген 60 үй-бүлөгө 10 килограммдан ун таратты.
"Мындай кайрымдулук иш-чарасы дагы уланып, кийинкисинде 100 үй-бүлөгө берилмекчи", - деп айтылат муфтияттын маалыматында.
Пикир
Оставить комментарий