Бишкек, 10.01.20 /Кабар/. Бишкек шаарынын Биринчи май райондук сотунда бүгүн, 10-январь күнү Свердлов райондук сотунун мурдагы судьясы Эльвира Жаркееванын иши боюнча отурум өтмөк, бирок судьянын ооруп калгандыгына байланыштуу отурум жылдырылды.
Кийинки соттук жыйын 14-январга дайындалды.
Эскерте кетсек, Жаркеевага Кылмыш кодексинин 304 жана 328-беренелери боюнча айып тагылууда.
Жаркеева судья болуп жүргөн кезде атайылап, кылмыштык топтун кызыкчылыгын көздөп жана курулуш компаниянын мүлкүн ээлеп калуу максатында бир катар мыйзамсыз соттук чечимдерди кабыл алган.
Пикир
Оставить комментарий