Нарын облусунда күчү 4,5 баллга жеткен жер титирөө катталды

Бишкек, 12.07.20. /Кабар/. Нарын облусунда күчү 4,5 баллга жеткен жер титирөө катталды. Бул тууралуу КР ӨКМдин басма сөз кызматы билдирет.

КР Сейсмология институтунун маалыматына ылайык, дер титирөө бүгүн таңкы саат 06:28де Нарын облусунун аймагында катталган.

Жер титирөө Нарын районунун Кара-Булак айылында, Ак-Талаа районунун Орто-Сырт айылында 4 балл, Ат-Башы районунун Ак-Бейит, Казыбек, Кызыл-Туу айылдарында 3,5 балл, Ак-Талаа районунун Баетов, Кара-Суу айылдарында 2,5 баллга чейин сезилген.

Жер титирөөдөн жабыркагандар жана кыйроолор катталган жок.