Бишкек, 29.04.20. /Кабар/. Нарын облусунун аймагында дезинфекциялоо иштери уланууда. Бул тууралуу Өзгөчө кырдаалдар министрлигинин басма сөз кызматы кабарлайт.
Маалыматка ылайык, кечээ 28-апрелде Нарын облусу боюнча 18 398 чарчы метр имараттын ичи жана сырты, 122 500 погондук унаа жолдор залалсыздандырылган. Иш-чарага 6 техника жана 19 куткаруучу кызматкер тартылган, жумуш улантылууда.
Эскерте кетсек, дезинфекциялоо иштери жарандар көп бара турган объектилерде, тагыраак айтсак, азык-түлүк дүкөндөрүндө, банктарда, базарларда, дарыканаларда жана автоунаа жүрүүчү жолдордо жүргүзүлүүдө.
Аталган иш-чара ӨКМ тарабынан республиканын бардык аймактарында күн сайын аткарылууда.
Пикир
Оставить комментарий