Бишкек, 19.05.20. /Кабар/. Нарын облусунда бир күн ичинде коронавирус жуктурган 11 жаңы учур катталды, анын ичинен коронавирус 8 милиция кызматкеринен аныкталды. Бул тууралуу өкмөт үйүндөгү маалымат жыйында саламаттык сактоо министринин орун басары Нурболот Үсөнбаев билдирди.
Анын айтымында, учурда Нарында Ички иштер министрлигинин кызматкерлеринин арасында коронавируска текшерүү иштери жүргүзүлүп жатат.
"Ал текшерүүнүн негизинде 8 учур аныкталды. Алар ооруканага жаткырылып, дарыланууда", - деди ал.
Белгилей кетсек, Кыргызстанда 19-майга карата коронавирус жуктурган 27 жаңы учур катталды. Азыркы тапта өлкөдө коронавирус жуктурган учурлардын саны 1243тү түзөт. Алардын ичинен 898 адам коронавирустан айыгып, ооруканадан чыгарылган. Коронавирус жуктурган 14 адам каза болду.
Пикир
Оставить комментарий