Бишкек. 24.05.19 /Кабар/. Нарын районунун Миң-Булак айылындагы Он-Арча суусуна түшүп кеткен С.Н. аттуу алты жашар кыз жети күндөн бери изделүүдө. Бул тууралуу ӨКМ маалымат кызматы кабарлады.
Эске салсак, алты жашар кыз 17-майда балдар менен ойноп жатып, бут кийимин сууга түшүрүп алган. Аны алууга аракеттенип жатып, өзү сууга түшүп кеткен.
Ошондон бери издөө иштерин өткөрүү максатында куткаруучу, суучул жана жергиликтүү тургундар тартылып, издөө иш-чараларын жүргүзүшкөн, бирок табылган эмес.
24-май күнү издөө иштери улантылат.
Пикир
Оставить комментарий