Бишкек, 08.04.21. /Кабар/. Нарын райондук ички иштер бөлүмүнүн кызматкерлери үй-бүлөлүк зордук-зомбулуктун алдын алуу жана болтурбоо максатында жергиликтүү өзүн-өзү башкаруу органдары менен биргеликте тегерек стол өткөрүштү.
Облустук милициянын басма сөз кызматынан кабарлашкандай, иш-чаранын жүрүшүндө катышуучулар тарабынан район аймагында катталып жаткан үй-бүлөлүк зордук-зомбулук фактылары боюнча кененирээк токтолуп, талдоолор жүргүзүлдү.
Ошондой эле жаш өспүрүмдөргө карата зордук-зомбулуктарды болтурбоо, өз алдынча башкаруу органдарынын кызматкерлери менен биргеликте ички жана тышкы миграциянын таасирлери тууралуу суроо-жооптор болуп, мигрант жарандардын балдары менен тыгыз иш алып баруу жагы каралды.
Мындан тышкары, калк арасында үй-бүлөлүк зомбулуктун алдын алуу багытында Нарын РИИБү тарабынан иш-чаралар, жолугушуулар уюштурулуп, тынымсыз профилактикалык түшүндүрүү иштери жүргүзүлүп келүүдө.
Үстүбүздөгү жылдын 3 айында Нарын РИИБнө жалпы 6 үй-бүлөлүк зордук-зомбулук фактылары катталып, тийиштүү чаралар кабыл алынган.
Пикир
Оставить комментарий