Бишкек, 14.12.20. /Кабар/. Чүй облусуна караштуу Ысык-Ата районунда 2020-жылдын 13-декабрь күнү саат 14:36 чамасында Новопокровка айылынын түштүк жагында жайгашкан кашардан өрт чыккан.
КР Өзгөчө кырдаалдар министрлигинин басма сөз кызматынан кабарлашкандай, өрттүн жалпы аянты болжол менен 320 чарчы метрди түзгөн.
Тилсиз жоодон 1 аял, 1 кыз жана 2 бала каза болгон.
Өрттү өчүрүүгө 2 бөлүм жана Аламүдүн базарынын өрт өчүрүү кошуунунан 1 даана атайын өрт өчүрүү унаасы тартылган. Тартылган күчтөрдүн жардамында өрт саат 15:14тө чектөөгө алынып, саат 20:47де толук өчүрүлгөн.
Келтирилген материалдык чыгымдар жана өрттүн келип чыгуу себеби такталууда.
Пикир
Оставить комментарий