Бишкек, 04.07.22. /Кабар/. Чуңкурчак капчыгайында Кыргызстандагы тоо экосистемаларын жана климаттык туруктуулукту коргоо жылына жана Улуу Ата Мекендик согуштагы Жеңиштин 77 жылдыгына арналган өлкөнүн жалпы билим берүүчү мектептеринин окуучуларынын республикалык туристтик-спорттук жана жерин таануу жыйыны болуп аяктады. Бул тууралуу Билим берүү жана илим министрлигинин басма сөз кызматынан билдиришти.
Жыйындын жүрүшүндө түрдүү сынактар, мастер-класстар, жерин таануу конференциясы жана викторина, Чуңкурчак капчыгайына бир күндүк саякат жана аска-зоолордо сабак, ориентирлөө боюнча мелдештер, туристтик чеберчилик боюнча сынактар жана башкалар өткөрүлдү.
Мелдеште байгелүү орундарды ээлеген командалар грамота, кубок, медалдар жана баалуу сыйлыктар менен сыйланышты.
Командада байгелүү орундарды ээлеген командалар грамоталар жана баалуу белектер менен сыйланышты. Жерин таануу конференциясынын бардык катышуучуларына сертификаттары тапшырылды.
Жетекчилер жана жетекчилердин жардамчылары ыраазычылык каттары менен сыйланышты.
Пикир
Оставить комментарий