Бишкек, 13.09.18. /Кабар/. Ош шаарынын Н.Исанов, Шакиров көчөлөрүндө мыйзамсыз курулуштарды алып салуу боюнча атайын рейд жүрдү. Рейд шаар мэринин протоколдук тапшырмасына ылайык жүрүп, жыйынтыгында 2 даана навес, 1 даана тандыр, 1 соода түйүн, 1 даана шишкебек бышыруучу мангал алынып салынды.
Ошондой эле 7 даана жарнак тактайча (штендер) жана 30 даана тил мыйзамынын талаптарына жооп бербеген, эскилиги жеткен көрнөк-жарнактар алынып салынды.
Ош шаардык мэриясынын басма сөз кызматынан кабарлашкандай, учурда рейд уланууда.
Буга чейин шаар мэри Т. Сарыбашов эрте менен аталган көчөлөрдү жөө кыдырып, таанышып чыккан эле.
Пикир
Оставить комментарий