Бишкек, 01.05.21. /Кабар/. Ош облусунун аймагында жарандардан Баткенге гуманитардык жардам кабыл алынууда, - деп билдирет өкмөттүн Ош облусундагы өкүлчүлүгү.
Маалыматка ылайык, облустагы баардык район борборлорунда (администрация) боз үйлөр тигилип, жарандардан келген жардамдарды кабыл алууда. Аймактагы тургундар тарабынан чогултулган гумжардам маал-маалы менен Баткен облусуна жиберилип жатат.
Эске салсак, буга чейин Ош облусу жана райондорунан Баткенге 60 тонна же 3 миллион сомдук гуманитардык жардам жиберилген. Анын жарымы облустагы ишкерлерден жана тургундардан чогултулган.
Пикир
Оставить комментарий