Бишкек. 14.05.19 /Кабар/. Ош шаарында мектеп окуучуларына жол кире 1 сомдон 5 сомго жогорулады. Жол кирени көтөрүү сунушу буга чейин бир канча жолу сунушталып, бүгүнкү сессияда депутаттар тарабынан колдоо тапты.
Жол акысын 5 сомго көтөрүүгө сессияга катышкан 34 депутаттын ичинен 23 эл өкүлү макулдук берди. Ошентип, мектеп окуучулар мындан ары коомдук транспортко 5 сомдон төлөй турган болду, – деп кабарлады "Ынтымак" телеканалы.
Ал эми шаардык мэрияга караган троллейбус жана автобустарда жол акы 1 сом боюнча калат.
Бирок, 2020-жылдын 1-январынан тартып аларда жүрүү окуучулар үчүн 3 сомго көтөрүлөт.
Калаада окуучуларга жол акыны жогорулатуу маселеси айдоочулардын нааразычылыгынан улам келип чыккан эле. Алар чыгымы акталбай жаткандыгын айтып келишкен.
Пикир
Оставить комментарий