Бишкек, 08.04.22. /Кабар/. Бүгүн, 8-апрелде, Ош шаарынын мэриясында көрктөндүрүү, жашылдандыруу жана санитардык тазалоо боюнча жарыяланган үч айлыктын алкагында штабдын жыйыны өттү. Бул тууралуу Ош шаардык мэриясынын басма сөз кызматы билдирет.
Маалыматка ылайык, вице-мэр Сонунбек Жунусбаев жетектеген штабдын жыйынына тийиштүү мекеме-ишканалардын жетекчилери, муниципалдык аймактык башкармалыктардын башчылары, жогорку окуу жайлардын жана колледждердин өкүлдөрү катышты.
Жыйында эртең, 9-апрелде, Ош шаарында массалык ишембилик өткөрүлөрү айтылып, ага жалпы шаардыктар активдүү катышуусу керектиги белгиленди.
Ошондой эле Ош шаарынын мэриясынын 2022-жылдын 5-апрелиндеги №169-б буйругуна ылайык, бардык турак жайлардын, мамлекеттик жана жеке менчик объектилердин короосундагы бак-дарактардын эсебин жүргүзүү жана инвентаризациялоо керектиги айтылды.
Ага улай ар бир МАБтарда иш кагаздарына байланыштуу санариптик иштерди жүргүзүүнү тездетүү, тиешелүү документтерди электрондук форматта чыгаруу маселеси да талкууланды.
Пикир
Оставить комментарий