Бишкек, 18.08.20. /Кабар/. Ош шаарындагы өзбек диаспорасы ооруканага тез жардам унаасын тапшырды, - деп кабарлайт Ош шаардык мэриясынын басма сөз кызматы.
Маалыматка ылайык, бүгүн, 18-августта Ош шаарындагы өзбек диаспорасынын алдында түзүлгөн “Жаңы муун” фонду шаардын медициналык мекемелерине кардиологиялык, реанимациялык аппараттары бар 1 тез жардам унаасын, 1 даана өпкөнү жасалма дем алдыруучу аппарат, төшөк-жууркандары менен 80 даана медицианалык керебет, 7 миң респиратор жана 200 даана медициналык коргоочу кийимдерди тапшырышты.
Диаспоранын өкүлдөрү менен Ош шаарынын мэри Таалайбек Сарыбашов жолугуп, ыраазычылык билдирген.
Пикир
Оставить комментарий