• 84.8
  • 102.34
  • 1.12

"Ош - түрк дүйнөсүнүн маданий борбору": "Ош Фест-2019" туристтик фестивалы өтөт

Аймак 0

Бишкек, 15.08.19. /Кабар/. "Ош - түрк дүйнөсүнүн маданий борбору" эл аралык иш-чарасынын алкагында "Ош Фест-2019" туристтик фестивалы өтөт. Бул тууралуу Ош шаарынын мэриясынын басма сөз кызматы билдирди.

Иш-чара 17-август күнү болуп өтөт.

"Ош Фест-2019" туристтик фестивалынын программасы:

- 17-август күнү саат 18:00дө Улуу Жибек Жолундагы "Чыгыш кербени" "Сулайман-Тоо" музейинин автоунаа токтоочу жайынан "Алымбек-Датка"этнографиялык комплексине чейин жүрөт. Кыргыз, өзбек, индус жана кытай улуттарынын өкүлдөрү төө, топоз жана аттарга артылган жүктөрү менен басып өтүшөт. (Маршрут: А.Навои көчөсү менен барып Курманжан-Датка көчөсүнө бурулат).

- Саат 18:45те расмий коноктор "Тамак-аш жарманкеси" менен таанышат. ("Алымбек-Датка" этнографиялык комплексинин оң тарабында). Расмий коноктордун чет элден келген туристтер менен баарлашуусу болот. Мындан тышкары "Ош базары" жер-жемиш жарманкеси, "Кол өнөрчүлөр" жарманкеси уюштурулат.

- Саат 19:35те көп улуттуу Ош элинин каада-салты менен таанышуу болот. Ошол эле этнографиялык борбордун аллеясында "Кеште-терме" фестивалынын кол өнөрчүлөр көргөзмөсүн ачуу аземи өтөт (тасма кыркылат).

- Кечки саат 20:00дө "Сулайман-Тоо" музей комплексинин алдында "Ош Фест" туристтик фестивалына арналган театрлаштырылган композиция тартууланып, Таттыбүбү Турсунбаеванын жаркын элесине арналган “Алтын өрөөн” республикалык дизайнерлер фестивалы өтүп, анын алкагында улуттук кийимдердин мода көргөзмөсү болот.

Пикир

Оставить комментарий