Бишкек, 26.05.20. /Кабар/. Ошто 1-июнда балдар арасында өтчү шахмат турнири жылдырылды. Бул тууралуу өкмөттүн Ош облусундагы өкүлчүлүгүнүн басма сөз кызматы билдирет.
"Облус жетекчисинин кубогуна ээ болгон жаштарга белектер берилип, 1-июнда жалпы облуста " Өкмөттүн өкүлүнүн кубогу" болору айтылган эле. Карантиндик кырдаалга байланыштуу шахмат боюнча таймаш сентябрь айына жылдырылды", - деп айтылат өкүлчүлүктүн маалыматында.
Билдирүүгө ылайык, 2019-жылдын аягында Ош облусунда балдар арасында шахмат боюнча биринчилиги өткөрүлүп, ага облус башчысы Узарбек Жылкыбаев катышкан.
Пикир
Оставить комментарий