Бишкек,27.10.18./Кабар/. Кечээ, 26-октябрда Ош шаардык мэриясында автомобиль транспорту жана жол чарба кызматкерлеринин күнүнө карата сыйлоо аземи болуп өттү.
Вице-мэр Асылбек Топчубаев кызматкерлерди кесиптик майрамы менен куттуктап, мэриянын ардак грамоталарын тапшырды.
“Шаарыбыздын күнүмдүк турмуш-тиричилигин камсыз кылууда автомобиль транспортунун жана жол чарба тармагынын ээлеген орду чоң. Шаар тургундарына транспорттук кызмат көрсөтүүдө, жүргүнчүлөрдү ташууда майрам, дем алыш дебестен элге кызмат кылууда эмгегиңиздер өзгөчө”,-деди вице-мэр.
Тиешелүү кызматкерлер Ош шаардык кеңешинин ардак грамоталары менен да сыйланышты.
Пикир
Оставить комментарий