Бишкек, 25.07.19. /Кабар/. Ош шаарынын Шакиров (мурунку Гагарин) көчөсүн реконструкциялоо иштери кызуу жүрүүдө. Бүгүн, 24-июлда вице-мэр Жасур Азимов баштаган жетекчилер иштин жүрүшү менен таанышып кайтышты, - деп кабарлайт Ош шаардык мэриясынын басма сөз кызматы.
Билдирүүгө ылайык, шаар мэри Таалайбек Сарыбашов курулуш иштери сапаттуу жүрүшүн көзөмөлдөө тапшырмасын берген.
Шакиров көчөсүндө 2 км 400 метр жол асфальтталып, 20 метрге чейин кеңейтилет. Жолдун эки тарабына тротуар курулуп, ирригациялык лотоктор орнотулат.
Мындан тышкары көчө көрктөндүрүлүп, түнкү жарыктандыруу жакшыртылмакчы. Реконструкциялоо иштери күз айларына аяктайт.
Пикир
Оставить комментарий