Бишкек, 24.06.22. /Кабар/. Ошто оор жүк ташуучу унаа катышкан жол кырсыгында каза болгондордун саны 6 адамга жетти. Бул тууралуу Өзгөчө кырдаалдар министрлигинин басма сөз кызматы билдирди.
Такталган маалыматка ылайык, Кара-Суу районунун Жаңы-Маала айылында HOWO үлгүсүндөгү көмүр жүктөгөн оор жүк ташуучу унаа жолдон чыгып, оодарылып 6 адамды басып калган.
Кулаган унааны кран менен көтөргөндө анын астынан 2 аял, 3 кичинекей кыз жана 1 ымыркай каза болгондугу аныкталды.
Жеринде Өзгөчө кырдаалдар министрлигинен ыкчам топ, 1 кран жана 9 куткаруучу тартылган.
Алар каза болгон жарандарды унаанын астынан чыгарып, милиция кызматкерлерине өткөрүп беришкен.
Пикир
Оставить комментарий