Бишкек, 20.05.20. /Адил Төлөгөнов – Кабар/. Республикалык штабдын 21-майдан тарта ишке кире турган тармактар туурасында чечими чыккан. Бул тууралуу Ош шаарынын биринчи вице-мэри Саибжан Турдуев брифингде билдирди.
Анын айтымында, аталган чечимге Ош шаарынан дагы сунуштар киргизилген.
Турдуев 21-майдан баштап төмөнкү тармактар ишке кирерин айтат:
Калкты тейлөө борборлору; Калкты тиричилик жактан тейлөө борлорлору:
- бут кийим, саат оӊдоо ж.б.;
- эмерек чогултуу жана оӊдоо.
-Соода борборлору;
-Автоунаа базарлары;
-Менчик (жеке) репетиторлордун кызмат көрсөтүүлөрү.
-Менчик үй-бүлөлүк мончолордун жана СПА-борборлордун кызмат көрсөтүүлөрү – коомдук мончолорду, сауналарды кошпогондо.
-Мейманканалардын ишмердүүлүгү (мейманканалардын алдындагы бассейндерди жана машыктыруучу залдарды кошпогондо).
Ал эми 25-майдан тарта:
-Коомдук унаалар;
-Буюм-тайым саткан базар, дүкөндөр;
-Коомдук тамактануу жайлар: кардардын саны 50дөн ашпашы керек жана аралыктар 1,5 - 2 мерт болушу шарт.
Эскерте кетсек, 11-майдан тарта Бишкек жана Ош шаарларында, Нарын облусунун Ат-Башы районунда жана Жалал-Абад облусундагы Чаткал районунун Каныш-Кыя айыл аймагында карантин киргизилген. Санитардык-карантик посттор эпидемиологиялык кырдаал турукташканга чейин иштей берет. Бир облустан экинчисине өтүү боюнча киргизилген чектөө күчүндө калат, көзөмөл күчөтүлөт.
Кыргызстанда 22-мартта кабыл алынган өзгөчө кырдаал режими сакталууда.
Пикир
Оставить комментарий