Бишкек, 05.03.19 /Кабар/. Пакистандын Белужистан провинциясында нөшөрлөп жааган жамгыр селге айланып, бир топ зыяндарды келтирди.
Parstoday агенттигинин маалыматына ылайык, Исламабад жетекчилери бир канча күнгө созулган катуу жамгырдан улам, өлкөнүн түштүк-батыш аймактарын сел каптап, 13 адамдын өмүрүн алып, жүздөгөн үйлөрдүн кыйроосуна алып келгенинин билдиришти.
Провинциянын өзгөчө кырдаал мекемесинин жетекчиси Имран Заркон бул тууралуу мындай деген: Провинциянын тогуз аймагы селден жабыркады. Мындан тышкары жүздөгөн үйлөр, көпүрөлөр, трассалар жана башка инфраструктуралар биротоло кыйраган.
Провинциянын өзгөчө кырдаал мекемесинин жетекчиси жабыркаган аймактардын жашоочуларына алгачкы жардамдар жеткирилгенин кошумчалап кетти.
Пикир
Оставить комментарий