Бишкек, 20.11.17. /Кабар/. Чүй облусунун Панфилов районунда 23 чарчы метр курулуш вагону күйүп, ичинде 43 жаштагы эркек адамдын жансыз денеси табылды. Бул тууралуу ӨКМдин басма сөз кызматы билдирет.
Маалыматка ылайык, Тилебалиев көчөсүндөгү №191 дарегинде өрт болуп жаткандыгы тууралуу “101” кызматына саат 19:42де билдирүү түшкөн. Өрт өчүрүү үчүн бир куткаруу бөлүмү келген.
“Өрт кечки саат 22:38 чамасында толугу менен өчүрүлгөн. Кырсык болгон жерде 43 жаштагы адамдын сөөгү табылган. Учурда өрттүн чыгуу себеби такталууда”,-деп айтылат маалыматта.
Пикир
Оставить комментарий