Бишкек, 09.02.21. /Кабар/. Милиция кызматкерлери Панфилов районунда жоголгон жашы жете элек эки баланы табышты.
Чүй облустук милициясынын басма сөз кызматы билдиргендей, бүгүн болжол менен саат 8:40 тарда Панфилов райондук ички иштер органына жергиликтүү жашоочу арызы менен кайрылып, 2021-жылы 19-январда үйүнөн чыгып кеткен бойдон дайынсыз болуп жаткан 2004-жылы жана 2003-жылы туулган эки баласын издөөгө көмөк көрсөтүүнү өтүнгөнү маалымдалган.
Маалыматка ылайык, Панфилов районунун милиция кызматкерлеринин дыкат иштеринин натыйжасында, бүгүн саат 17:00 чамасында балдар Бишкек шаарындагы Ош базарында табылган.
Азыркы учурда милиция кызматкерлери Панфилов районундук ИИОдо мындай иштердин кайталанбашы боюнча сүйлөшүүлөрдү жүргүзүп, ата-энесине кайтарып берүү аракетин көрүшүүдө.
Пикир
Оставить комментарий