Парламенттик шайлоо. Добуштардын баары саналып бүтүп, 6 партия босогодон өттү

Бишкек, 07.12.21. /Кабар/. Боршайком бирдиктүү шайлоо округу боюнча 100 пайыз добуштар саналып бүткөндүгү билдирди.

Бирдиктүү округ боюнча 1 миң 6 талапкерден турган 21 партия ат салышты. 3 млн 703 миң 420 шайлоочунун ичинен 1 млн 293 миң 947 адам өз тандоосун жасаган, башкача айтканда, 34,94 пайызы.

Алты партия 5 пайыздык босогодон өттү:

1. «Ата-Журт Кыргызстан» - 223 миң 892 добуш же 17,30%;
2. «Ишеним» - 176 миң 382 добуш же 13,63%;
3. «Ынтымак» - 142 миң 267 добуш же10,99%;
4. «Альянс» - 107 миң 859 добуш же 8,34%;
5. «Бүтүн Кыргызстан» - 91 миң 111 добуш же 7,04%;
6. «Ыйман Нуру» - 79 миң 557 добуш же 6,15%.

Ошондой эле 36 депутат бир мандаттуу система менен парламентке келет. Бирок Свердлов жана Биринчи май райондорунда кайра шайлоо өткөрүлөт, себеби эки райондо талапкерлерге каршы добуш эң көп берилген.